លោក គួច ចំរើនបើកកិច្ចប្រជុំការងារអនាម័យសំរាម ក្នុងមូលដ្ឋានខណ្ឌដូនពេញ
23-July-2016 | ដោយ មែន កំសត់
ភ្នំពេញ៖នៅរសៀលថ្ងៃទី២០ ខែកក្កដា ឆ្នាំ២០១៦ មានបើកកិច្ចប្រជុំការងារអនាម័យសំរាម ក្នុងមូលដ្ឋានខណ្ឌដូនពេញ ក្រោមអធិបតីភាព លោក គួច ចំរើន អភិបាល នៃគណៈអភិបាលខណ្ឌដូនពេញ។ ក្នុងកិច្ចប្រជុំនេះមានការចូលរួមពីចៅសង្កាត់ មន្ត្រីការិយាល័យពាក់ព័ន្ធ និងភ្នាក់ងារអនាម័យសង្កាត់ទាំង11។
លោកអភិបាលបានដាក់ចេញការងារសំរាប់ពង្រឹងនិងបន្តអនុវត្តមួយចំនួនដូចជា៖
1-ភ្នាក់ងារអនាម័យត្រូវខិតខំទទួលខុសត្រូវភារកិច្ចរៀងខ្លួន។ ចុះអប់រំប្រជាពលរដ្ឋ អាជីវករ ឲ្យក្លាយជាចលនាអបរំ ទុកដាក់សំរាមឲ្យបានត្រឹមត្រូវ ដោយត្រូវចាត់ទុកថា"សំរាមជា សត្រូវ នៃសុខភាពយើងទាំងអស់គ្នា"។
2-លុបបំបាត់ដេប៉ូសំរាម៖ សង្កាត់ ភ្នាក់ងារអនាម័យ និងក្រុមហ៊ុនប្រមូលសំរាម ត្រូវសហការស្រាវជ្រាវ និងដោះស្រាយ ឈានដល់ការលុបបំបាត់ដេប៉ូសំរាមនេះឲ្យបាន។
3-បំណុលសំរាម៖ សង្កាត់នីមួយៗត្រូវលើកយក ករណីទីតាំងអាជីវកម្មដ្ឋានដែលមិនព្រមបង់ថ្លៃអនាម័យហើយបញ្ចេញសំរាមមកក្រៅ ក្នុង1សង្កាត់ 1ទីតាំង ដើម្បីឈានដល់ការទប់ស្កាត់ការចេញសំរាមខុសម៉ោងពេល និងសំរាមចល័ត។
4-ឯកសណ្ឋានភ្នាក់ងារអនាម័យ៖ ក្រុមការងារ ព្រាងគម្រូឯកសណ្ឋានសំរាប់ភ្នាក់ងារអនាម័យ សំរាប់ឆ្លងសាលារាជធានីមុនដាក់ឲ្យប្រើប្រាស់។
ចំនួនអ្នកទស្សនា
- ថ្ងៃនេះ3561
- ម្សិលមិញ12561
- សប្តាហ៍នេះ31511
- ខែនេះ53391
- ឆ្នាំនេះ53391
- សរុប20495847